Rendolf Harrisonun “Harrisonun daxili xəstəliklər toplusu”

Tibb sahəsində dünyaca məşhur əsərlərin Azərbaycan dilinə tərcüməsi ilə bağlı yeni layihəyə start verilib.

TƏBİB-in tabeliyində fəaliyyət göstərən Yeni Klinikanın direktoru Barat Yusubovun təşəbbüsü ilə “Qədim Qala” Nəşriyyatı tibb sahəsində olan dünyaca məhşur əsərləri ana dilimizə tərcümə edəcək.

İlk mərhələdə nəşr ediləcək Tinsli Rendolf Harrisonun “Harrisonun daxili xəstəliklər toplusu” (“Harrison's Principles of Internal Medicine”) kitabı dünyanın ən etibarlı klinik tibbi vəsaitləri arasında ön sıralardadır və indiyədək 16 dilə tərcümə edilib. İlk dəfə 1950-ci ildə iki cilddə çap olunan əsərin yenilənmiş 21-ci nəşri 2022-ci ildə işıq üzü görüb.

Əsər uzun müddətdir ki, dünyanın bir sıra aparıcı universitetlərində dərslik kimi istifadə edilir və tibb işçilərinin masaüstü kitabına çevrilib. Azərbaycan dilinə tərcümə ediləcək 21-ci nəşr oxucuları tibb sahəsindəki ən son yeniliklər və nailiyyətlərlə də tanış edəcək.

Təqribən dörd milyon sözdən ibarət olan əsər həkimlərdən və mütəxəssislərdən ibarət geniş elmi heyət tərəfindən tərcümə ediləcək. Nəşr olunduqdan sonra tibb sahəsində təhsil alan tələbələrin ixtiyarına veriləcək.